De Venlonaer

Kaertjes veur de iërste veurstelling?

Wae kômmende zaoterdaag 27 december wilt kômme kiéke nao de iërste veurstelling KRAAK in 't Venein, hoof gen kaertjes te hebbe. De veurstelling wuurt GRATIS opgevoerd um 21.00 oor, 22.30 oor en 00.00 en as 't ech gezellig wuurt nog ens um 01.00 oor. 't Stök deurt ôngeviër ein half oor. In principe geldt de regel: vol is vol. Wae slech ter bein is of van hiel wiéd môt kômme en zeker wilt zien van ein plaats kin ein risserveringsmailtje steure nao Stik d'n Teller, via INFO@OBDEWOERS.NL.

Trek ôg waal netjes aan, want ja, 't is toch ein soort van première ;)

Venein-verbouwing vordert

Dankzij de ônbaatzuchtige inzet van sympathisante zoëas Miel Thiëwe, Pim Kleeve en de op de foto lachende Vincent en Marcel Tabbers, is 't verbouwe en verkleure van 't Venein haos klaor. Probleem is det door de naate verf op de vloer de acteurs nog neet op locatie kinne oefene - maar det wek allein maar ein gezônde spanning op veur de première van zaoterdaag.