De Venlonaer

Good niejs veur Cielke!

Good niejs veur Cielke det de aafgelaupe daag veur zich zelf haet môtte kaoke en zien eige vot haet môtte aafvaege: pap en mam Stikkelebôks zien alweer vertrokke oét New York!

Vereinigde Naties slech georganiseerde bende

Op dinsdaag 24 oktober 2006 waare Maud en ik veur ein rôndleiding beej 't gebouw van de Vereinigde Naties in New York. We hadde ôs d'r vuul van veurgesteld maar alles waat we kreege waas deze legendarische foto:

En dus ging ik vandaag, 25 april 2008, weer truuk in de haop de historisch belangwekkende vergaderzale van 't VN-gebouw eindelijk te kinne zeen.

Niejste van 't niejste

Sinds kort is d'r iets niejs op 't gebied van snacks. Superblits. Superhip. Superhendig.

Gaste oét The Mars Bar

Efkes veur 't idee: dit soort minse kômme in The Mars Bar:

Meryl Streep in mien straot!

Wie ik vanmorge wakker woort, waare ze bezig met filmopnames veur mien deur. De ganse straot waas aafgezatte, d'r stônd ein buffet klaor en d'r leepe waal 50 man rônd. Bleek 't de film Julie & Julia te zien die in 2009 oétkump met neemus minder as Meryl Streep in de haufrol! De scène waorin Meryl Streep wien geit kaupe beej de wienwinkel is dus beej mich in de straot opgenaome! Woehoe!

Beeld zônder geluud

We woele neet in de riej staon en niks betale, dus dan is de gratis veerboët nao Staten Island 't gunstigste, en dan kumpse auk waal ein bietje in de buurt van:

New York op de xbox360

Vanaaf 29 april kint ge allemaol nao New York kômme, want dan kump 't spel GTA VI oét. En in det spel hebbe ze New York, compleet met metro-netwerk, naogebouwd! 't Wuurt messchien waal 't besverkochde spel oéit en det kump dan weer door keivuul gigantisch groëte reclame-posters in de groëte staeje, zoëwie heej:

Brooklyn Bridge auk roëd-wit gekleurd

Oké, nog EINE dan:

Dansende Frans

Frans dans neet dök, dus as hae dans is PSV kampioen gewaore. 't Bewiés woort vandaag geleverd tiedes de huldiging van PSV, maar dan in 't Bryant Park, New York City. Ruud 'ik bin veur ajakkes' Stikkelbôks waas zoë vrintelik ein filmpke op te neeme...

De bleudste winkel van New York

We hebbe winkels gezeen die kleier veur hundjes verkochte, winkels die stôfsluugerslange verkochte, winkels die hônkbalplaetjes verkochte, maar dit is absoluut de bleudste winkel van gans Manhattan:

Musicalletje/Niemanddalletje

Toenight zien we, zoëas zich det huurt in New York, nao de Braodwôrsmusical Chicago gewaes. De recensies waare neet euverwaegend positief, maar we hebbe ôs aevegood vermak! All that Jazzzzzzz...

Danse in Bryant Park

Wie Stik weer truuk waas woort de Waope-Stilstand beslaote, en Stik waas zelf zoë vrintelik um nog ein filmpke op te neme van enne dolgelökkige Frans (want PSV is veur de 4e kiër op riej Landskampioen gewaore en det gun ik Vertônghe, Koster, Huntegaar en Heitingaar van herte!

JAJAJAJAJAJAJAJAJAJAJAJAJAJAJA

Joep Simons, Lubert Priems en Jacques-Paul Joëste SMS-de mich det PSV kampioen waas gewaore (vanzelfspraekend) maar det wis ik al want Ruud Stikkelbôks (ajaksmiet) en ikzelf zoote al um 8.30 oor lokale tiéd in Bryant Park met miene laptop nao Langs de Lijn te luustere, in de haop det VVV zich zoel handhave en PSV kampioen zoel waere. Taege ein oor of 4 Nederlandse tiéd ging Stik inens truuk nao 't hotel 'um Clim te haole', en det waas toch waal 't meis duudelike signaal det de Beste Voetbalclub van Nederland veur 't 4e jaor OP RIEJ (uniek) PSV hit. Waat ein fees, waat enne lekkeren daag, en waat ein heerlikke waek - noow al. 't Waas te cru um Stik met champagne te cônfrônteere, dus oét respek veur um haol ik mich pas woensdaag ein fles. PROFICIAT ALLE PSV- EN VVV-FANS!

Nieje hippe hippe

Miene metro-urban kleiersmaak haet mich gedwônge de heej aafgebeelde schoon te kaupe:

Winkel zônder raame en megapopulair

Örges in de buurt van Central Park leet deze belachelikke winkel. Filme moch binne neet, dus we zien aafhankelik van de recensie van winkelgoeroes Stik en Clim, en netuurlik de met gevaor veur eige laeve gemakde illegale opnames van Frans.

Jimmy Hendrix op enne CELLO. Idioot!

De cello is ein van de sjiekste instrumente van 't westelijk universum - veural de klank sniedt door alles haer. In New York, tösse Canal en Houston street, zit op einzame aovend, deze fascinerende man met zien cello tösse zien bein en speult prachtige melodieje. Vandaag waal ein hiel bijzondere repertoirekeuze veur zien doon: Jimmy Hendrix! WOOOEEEEWIEEEE!

Ruud en Clim ein waek te vruug

Kreeg ik nog ein vrintelik mailtje van Stik naodet bleek det ik mien creditcard in Venlo had laote ligge: "Waat bis dich eigelik veur ein ei?", bleek de aafgelaupe waek det Stik en Clim per ôngelök ein waek vruuger hadde geboek as det ze eigelik van plan waare. Ze kwaame d'rachter, TWIE DAAG VEURDET ZE NOOW MEUSTE VERTREKKE, en meuste toen nog in paniek alles gaon regele: vakantiedaag, nieje hoteldata, Cielke nao de oppasomaenopa. Oétintelik kwaame ze dus gestress en hielemaol hyper op vriedaag aan in New York. En waat kinse dan baeter doon as enne gooje bik in d'n boék dauwe? Percies.
En trouwes: wae is d'r heej noow ein ei?

Morge miér filmpkes!

Drök drök drök noow de Stikkelbôkse heej zien, dus morge volge pas miér filmpkes! AS PSV KAMPIOEN IS, JIHOE!

Paus Rudolph VI

Vandaag aangekômme op JFK airport, en morge te bewondere in de vergadering van de verenigde naties: Paus Rudolph Stikkelbôks VI en zien leeftallige maîtresse Climonia. Waat ein verrassing!

Guggenheim ôntplôf!

Bin eindelik nao 't Guggenheimmuseum gewaes nao de tentoënstelling van ein of andere Chinees dae iets haet met ôntploefinge. De kins um oétnuudige op dien festival of dien feesje, en dan bouwt-e iets van buskroét en luüt det vervolges ôntploefe. En det is dan kuns. Zoë hange d'r 9 witte auto's baovenein in de hal van 't Guggenheim, asof enne auto ôntploef en de lôch invluug. Erg sjiek!

PS: Ik heb meneer de Chinees al geboek veur de oétreiking van de Loëje Lei, ein vuulbespraoke maar nog geheim niej initiatief van stichting OB de WOERS.

The Mars Bar

Ik heb ein megasjieke minikroeg ôntdek met allerlei obscure types aan de tap en ein smerige barkeepster, Rachel. De tent is verneump nao enne Mars-reep en hit The Mars Bar. 't Allerallersmerigste is netuurlik de pleej:

Website groët suukses

Tot mien eige frustratie is deze website auk in Amerika ein groët suukses gewaore. Heejnaeve ein foto van Bryant Park 3 waeke geleeje, en kiék noow ens:

Spring 's in die air

Dit filmpke vônd ik nog. 't Is van aafgelaupe dônderdaag...

Zoemend dingk hendig veur Diaan

Nieje revolutionaire vinding: de bestels enne hamburger. Dan geise zitte wachte op 't terras en as d'n hamburger klaor is roope ze dich neet, want det is waal erg alderwets, det dan geit de buzzer daese mei hes gekreege buzze. En dan kinse diene dubbele SHACKBURGER (5,75 dollar) gaon haole.
Messchien ein idee veur de kiosk van Diaan. Bruudje bestelle. Aan de bar gaon zitte wachte. En as Diaan um dan klaor haet, geit dien apparaat buzze. Anders wuurt 't zô'n geschriëf.

Zinvol in de riej staon

In New York hesse keivuul aettentjes. Kleine zaake, kioske of zelfs kerkes op straot waose bikke geis haole um thoes of op 't werk of op straot op te aete. Soms is ein van die tentjes inens kei-in. Dan steit d'r iddere middaag rond de lunchpauze ein ENORM lange riej. De's ech raar want d'r ligge in iddere straol van 20 maeter tig aettentjes, en toch geit idderein nao det tentje toe.
Dit tentje, SHACK, probeert de minse nog zinvol bezig te laote zien terwiel ze staon te wachte op (let waal) eure dieke vette shackburger.

Wiezoë, gen voetballers in de States?

Toegegaeve, d'r is netuurlik gen groët voetbaltalent aan mich verlaore gegaon wie ik mien kneen kepotscheurde. Maar die voetballertjes die waal enne bal miër as zes kiër kinne hoëghalde (Piéper, Stik en messchien op zien beste daag Jör) môtte dit thoés ens probeere: 4 Amerikane in Central Park. (Montage op miene nieje Appledinges)

Heerlijk: 's morges petatte

Energie kriegse genôg in New York, en det kump dan veural door 't ôntbijt:

Fleske rosé

Ik bestelde mich gister in ein kefeejke in Tribeca ein fleske rosé; 't waas ten slotte heerlik waer. Ik koos veur de Dom Perignon, Vintage, Epernay oét t schoëne jaor Epernay.
Noow kin ik de res van de waek gen vleis miér aete.

New York teleurgesteld euver oétgesteld kampioenschap PSV

't Kwaam as enne behuurlik dômper oét de New Yorkse lôch valle: PSV nog efkes gen kampioen. Alle minse op straot die via scherme op Times Square de wedstrijd vanmorge live volgde, haopde op ein laat doelpunt van beejveurbeeld Marcellis. Maar zoë wie zoë dök zoot 't PSV neet mei. Gen probleem, dan wacht we gewoën op dônderdaag as ajaks verluus van FC Groninge en dan viere we 't zôndaag nao 't 1-1 geliékspel beej Vitesse.
Alle twintigdoézend PSV-fans in New York zien toch nog efkes de kroeg ingegaon en 't waas nog erg gezellig.

Niej Koekiemonster bewiésmateriaal

Good, nog EINE dan. 't Is 4.10 oor en ik kôm net extra bewiésmateriaal taege veur de iérder op deze website gedaone bewering det 't KOEKIEMONSTER ECH BESTEIT! KIÉK MAAR: (mjam mjam om nom nom)